An Hobbit, pe, Eno ha Distro

O klask aour a zo diwallet gant un aerouant e vez ur gompagnunezh korred.
A-rekin eo e kemer Bilbo Sac’heg perzh er c’hlask pirilhus-se : un
hobbit dic’hoantek a blij dezhañ chom klet er gêr eo-eñ. Souezhet eo
e-unan zoken o welet ez eo ampart d'ober troioù-kamm a bep seurt. Kejañ a
ra gant trolled, gobilined, korred, elfed ha kevnid ramz, kas a ra
pennadoù-kaoz gant an aerouant, Smaog, hag en em gav a ra diratozh
e-kreiz Emgann ar Pemp Lu… tra nemet un nebeud eus an degouezhioù war
hent Bilbo.
Deut eo Bilbo Sac’heg da vezañ un haroz divarvel e bed ar faltazi. Evit e vugale dezhañ e oa bet skrivet An Hobbit gant
ar c’helenner Tolkien. Ha meulet ar romant gant ar skridvarnourien
kerkent hag embannet. Holl dresadennoù ha kartennoù ar skrivagner zo el
levr.